AV女麻美公開患癌歷程 生唔到B好難過

http://hk.apple.nextmedia.com/enews/realtime/20140110/52076001

曾經以為一場卵巢癌會帶走宅男嘅麻美女神，不過日前佢已結束化療療程，恢復以往紅潤氣色，仲接受日本電視台專訪！在節目中，佢暢談抗癌期間嘅心路歷程，透露當時知道自己沒法生育之後，受到好多大嘅打擊。

因為身為AV女優，所以佢當時都猶豫咗好耐到底對唔對外公開病情，最後佢因為想幫助更多同自己有相同遭遇嘅人，才決定勇敢坦承。佢話：「因為我是AV女優的關係，很多人會抱著患癌是因為工作關係的想法，也容易對其他患相同疾病的人帶有偏見，在此要對因我受到影響的人致歉。」

2012年，宅男女神麻美由真發現患上卵巢癌，當年2月佢就接受咗子宮卵巢移除手術，從此就沒生育能力。佢接受訪問時仲話：「當時只要一想到自己無法懷孕，就很難過。」但好快佢就恢復堅強，仲想藉呢件事糾正社會大眾嘅偏見：「患癌跟我的AV工作無關。」

目前麻美逐漸好轉，未來更想去美國完成留學夢想，之後要以「重生的麻美由真」再度出現喺大家面前。